REGISTRES DU BUREAU

[1642]

Cardinal de Meudon'¹), l'Evesque de Soissons'²' et seigneur de Villeroy'³', sont comparuz, suivant les mandemens envoyez le jour d'hier :

Mess" de Montmirel, Prevost des Marchans;

Legras, Courtin, de Bragelongne et Perrot, Eschevins;

Morin, Lieutenant criminel;

Viole, Berthelemy, Courtin, T. de Montmirel, de Hacqueville, de Thou, de Livres, Lecomte, Paillart, Larcher, Prevost, de Bragelongne, tous Conseillers de lad. Ville;

Basannier, Godeffroy, Maciot, Prevost, Hac, Berthelemy, Croquet,Danès, de Sainct Germain, Gohory, Quinette el Parfaict, tous Quarteniers de lad. Ville ;

Ausquelz mond. s^r le révérendissime Cardinal a faict entendre et declairé que l'intencion du Roy estoit pour ses urgens affaires, qui s'offrent de present, pour secourir ses armées divisées en trois parts '*', que led. seigneur a esté contrainct mectre sus pour la deffence de son Royaulme et ses sub-getz, recouvrir des habitans de cestedicte ville de Paris la somme de deux cens mil escus par prest que le Roy entant et veult estre en brief remboursez, dont ja led. s^r révérendissime a devers luy l'acquict scellé sur le quartier finissant le derrenier jour de decembre prochain venant. Et à ceste fin, a led. s^r révérendissime commandé ausd. Quarteniers, parlant à ceulx qui estoient presens, tant pour eulx que pour leurs autres compaignons Quarteniers, ilz eussent, chascun en son esgard et quartier, faire la description et roolle entier, sans aucune obmission, de tous les habitans de chascun quartier, tant de la Ville que des faulxbourgs; et lesd, roolles mectre ès mains des Prevost des Marchans et Eschevins de cested. Ville, pour après estre par eulx apportées aud. s^r révérendissime, afin de promptement mectre l'ordre que l'on pourra pour secourir le Roy en ses urgens affaires.

Et ce faict, les dessusdietz Prevost des Marchans et Eschevins de cestedicte Ville, Conseillers et Quarteniers, se sont retirez en une salle appart pour adviser ensemble et faire responce à ce que leur a dit led. s^r révérendissime, ainsi qu'il est cy dessus récite. Et après avoir oy les oppinyons de chascun en particulier, a esté conclud et advisé que chascun Quartenier fera description au vray en son quartier et apportera le roolle au vray, sans obmission, de tous les chefz d'hostel, taut de la ville que des faulxbourgs, par devers Mess" les Prevost des Marchans et Eschevins pour, ce faict, estre par exprès portez à mond. s^r le révérendissime Cardinal de Bourbon; et toutesfoys, que l'on devoit faire en l'Ostel de Ville assemblée de notables bourgeois avecques lesd. Prevost des Marchans et Eschevins, pour leur faire entendre tout ce que dit est, afin qu'ilz en ayent plus grant contentement.

Et ce faict, sont tous retournez par devers led. s^r révérendissime Cardinal de Bourbon, Lieutenant general pour le Roy en ceste dicte ville de Paris, et ses conssors dessusdietz; auquel led. Prevost des Marchans a declairé ce qui avoit esté avisé par la compaignée, ainsi que dessus est declairé. Lequel s^r révérendissime leur a dit qu'il entendoit assez la bonne volunté qu'ilz avoient de faire service au Roy en ses urgens affaires, et a commandé bien expressement aux Quarteniers qu'ilz eussent, chascun en son quarticr, tant en la ville que ès faulx-bours, faire la description et roolle au vray sans obmission, ainsi que dit est; et que dedans quatre jours les anciens Quarteniers les apportent devers lesd. Prevost des Marchans et Eschevins, par ce qu'ilz en doibvent avoir meilleure congnoissance que les nouveaulx; et les autres Quarteniers nou-veaulx dedans huit jours, sans y faire faulte, parce que les affaires du Roy ne pevent porter plus long dellay. Ce que lesd. Quarteniers ont promis faire en la plus grande dilligence qu'il leur sera possible. Et

O Antoine Sanguin, dit le cardinal de Meudon, second fils d'Antoine Sanguin, seigneur du même lieu, oncle de la duchesse d'Etampes, fut successivement abbé de Fleury-sur-Loire, maitre de la chapelle du Roi, évêque d'Orléans, archevêque de Toulouse; cardinal en i53g, il fut sacré à Notre-Dame de Paris par le cardinal Farnèse, légat du Saint-Siège, alors de séjour de Paris. (Conf. art. IX, la note 4, page 6 cidessus.) Sanguin fut le premier grand-aumônier de France. Pendant la guerre avec l'empereur Charles-Quint, il remplit les fonctions de gouverneur de Paris; il fut, avec le président de Selve et le cardinal de Tournon (voy. ci-dessus, page io, note 5), l'im des députés chargés de négocier la délivrance du Roi prisonnier à Madrid et resta en otage aux mains de l'Empereur jusqu'à la complète exécution du traité. U mourut en 155g.

(2) Mathieu de Longuejoue. Fils de Jean de Longuejoue, seigneur d'Iverny, Conseiller au Parlement, etde Geneviève Baillet; il fut lui-même conseiller au Châtelet de Paris, conseiller au Parlement (i5i5), puis maître des Requêtes de l'Hôtel. Devenu veuf de Madeleine Chambellan, il fut élu évêque de Soissons le 6 février 1534, et occupa ce siège jusqu'à sa mort (6 septembre 1557).

(^J) Nicolas de Neufville de Villeroy, le mème dont il est question à la note 1 de l'art. II.

(⁴> Il s'agit de la triple campagne de 1542 en Italie, en Roussillon et en Luxembourg.